Category Archives: News

  • -

የደብረ ማርቆስ ዩኒቨርሲቲ ኘሬዝዳንት በሰብል ስብሰባ ላይ

 

የደብረ ማርቆስ ዩኒቨርሲቲ ኘሬዝዳንቱን ያሳተፈ የሰብል ስብሰባ ስራ ሲያከናውን ለማየት የሚከተለውን ሊንክ ይጠቀሙ፡-


  • -

የደብረ ማርቆስ ዩኒቨርሲቲ መምህራንና የአስተዳደር ሰራተኞች ለህልውና ዘመቻው የስንቅ ዝግጅት አደረጉ

 

ደ/ማ/ዩ፡- በአገራችን ላይ በትህነግ የተከፈተብንን ወረራና ጭፍጨፋ ለመመከት ግንባር ላይ እየተዋደቁ ለሚገኙ ለሀገር መከላከያ ሰራዊት፣ ለአማራ ልዩ ኃይል፣ ለሚሊሻና ፋኖ በሚደረገው የስንቅ ዝግጅት ላይ የዩኒቨርሲቲው ፕሬዚዳንት ዶክተር ታፈረ መላኩ እና የምስራቅ ጎጃም ዞን ምክትል አስተዳዳሪ አቶ መንበሩ ዘውዴ በመገኘት ጉብኝት አድርገዋል፡፡  

በጉብኝቱም በስንቅ ዝግጅቱ ላይ እየተሳተፉ የሚገኙት የዩኒቨርሲቲው መምህራንና የአስተዳደር ሰራተኞችን አበረታተዋል፡፡ የስንቅ ዝግጅቱ የህልውና ዘመቻው እስከሚጠናቀቅ ተጠናክሮ እንደሚቀጥል መልዕክት አስተላለፈዋል፡፡

በስንቅ ዝግጅቱ ላይ የነበረው ከፊል ገጽታ

በደብረ ማርቆስ ዩኒቨርሲቲ የምርምርና የማህበረሰብ አገልግሎት ምክትል ፕሬዚዳንትና የስንቅ ዝግጅት አስተባባሪ ዶክተር አስካለማርያም አዳሙ በበኩላቸው  የአሸባሪ ቡድኑ፡- እንደ ምሁር እንዳናስብ፣ እንዳናስተምርና እንዳንመራመር በርካታ በደሎችን ሲፈጽምብን መቆየቱ ሳንወድ በግድ ጦርነቱን እንድንቀላቀል እንዳደረገንና ይህንን አሸባሪ የሃገር ጠላት ቡድን ሁሉም ዜጋ ሴት ወንድ ሳንል አንድ በመሆን ሃብት በማሰባሰብ፣ ማህበረሰቡን በማንቃትና በጦር ግንባር ለሚገኘው ሰራዊት የስንቅ ዝግጅት በማቅረብ አለኝታነታችንን ልናሳይና የተጋረጠብንን የህልውና አደጋ መቀልበስ እንደሚገባ ገልፀዋል፡፡

ዶክተር አስካለማርያም አዳሙ

የምርምርና የማህበረሰብ አገልግሎት ምክትል ፕሬዚዳንትና የስንቅ ዝግጅት አስተባባሪ

በደብረ ማርቆስ ዩኒቨርሲቲ የማህበረሰብ አገልግሎት ዳይሬቶሬት ዳይሬክተር አቶ ደምሳቸው ሽታው ደግሞ ምሁራን ካሁን በፊት እውቀታቸውን፣ ልምዳቸውንና ተሞክሯቸውን በመቀመር ለማህበረሰቡ ማካፈል ነበር አሁን ግን ሳንፈለግ ተገደን ወደ ጦርነት ገብተናል፤ ሁሉም የዩኒቨርሲቲው ማህበረሰብ ለአንድ ዓላማ በመሰለፍ ይህን ወራሪ ኃይል መመከት ያስፈልጋል፤ ጎን ለጎን  እያንዳንዱ የየራሱን ስራ መስራት ያለበት ሲሆን ግንባር ላይ እየተፋለሙ ለሚገኙ ወገኖቻች የስንቅ ዝግጅቱን በማጠናከር ቦታው ደረስ ማድረስ፤ እስከ ግንባር በመዝመት ይህን አሸባሪ ቡድን ድል ማድረግና ግንባር ላይ እየተዋደቁ የሚገኙ የዘማች ቤተሰቦችን ሰብላቸውን በመሰብሰብና  የሚያስፈልጋቸዉን ሁሉ በማገዝ  አላፊነታችንን መወጣት አለብን  ብለዋል፡፡

የዩኒቨርሲቲዉ መምህርና የስንቅና ሎጅስቲክ አሰባሳቢ ኮሚቴ ፀሐፊ አቶ ደረጀ አደመ እንደገለጹት በስንቅ ዝግጅቱ ላይ ደረቅ ምግቦች፡- እንደ ቆሎ፣ ዳቦ ቆሎ እና የውሃ የመሳሰሉት ዝግጅት እየተከናወነ እንደሚገኝ ገልፀዋል፡፡

በስንቅ ዝግጅት ላይ ሲሳተፉ ያገኘናቸው በዩኒቨርሲቲው የቢዝነስና ኢኮኖሚክስ መምህር  አቶ ባንታየሁ ታምሬ በአስተያየታቸው ያለንበት ወቅት ክልላችን ብሎም ሃገራችን በትህነግ አሸባሪ ኀይል ተወሮ ይገኛል፤ በዚህም በርካታ የክልላችን ህዝቦች ተጨፍጭፈዋል፤ ከቤት ንብረታቸው ተፈናቅለዋል፤ ሀብትና ንብረታቸውን ተዘርፈዋል፤ ስለዚህ ወረራውን ለመመከት የክልላችን ልዩ ኀይል፣ ፋኖና ሚሊሻ እንዲሁም አርሶአደሮች በቦታው እየተፋለሙ ስለሚገኙ ከጎናቸው በመቆም እንደሚገባ በመግለጽ አስተያየታቸውን አጠቃለዋል፡፡

በመጨረሻም ጦርነቱን ድል እስከምናደርግ ድረስ ሁሉም የዩኒቨርሲቲው ማህበረሰብ በወጣለት መርሃ-ግብር መሰረት የስንቅ ዝግጅቱን አጠናክሮ መቀጠል እንዳለበት የስንቅ ዝግጅት አስተባባዎች  ማሳሰቢያ ሰጠዋል፡፡

       የደብረ ማርቆስ ዩኒቨርሲቲ የስንቅ ዝግጅቱን አጠናክሮ ቀጥሏል


  • -

የዩኒቨርሲቲው ስራ ክፍሎች የ2013ዓ.ም በጀት አመት ዕቅድ አፈጻፀም ፣የ2014 በጀት አመት ዕቅድ ትውውቅና ግምገማ አደረገ

 

የደብረ ማርቆስ ዩኒቨርሲቲ የአካዳሚክ ጉዳይ ዘርፍ የቡሬ ካምፓስ ጨምሮ በ28/01/2014 ዓ.ም ጀምሮ በንግስት ሳባ ሁለገብ አዳራሽ፣ የአስተዳደር ጉዳይ ዘርፍ ደግሞ በ29/01/2014 ዓ.ም ጀምሮ በአለቃ ተክለየሱስ ዋቅጅራ የመሰብሰቢያ አዳራሽ የ2013 በጀት አመት የዕቅድ አፈጻጸም ግምገማና የ2014 በጀት አመት ዕቅድ ትውውቅ አድርገዋል፡፡

ዶክተር ይኸይስ አረጉ የአካዳሚክ ጉዳይ ምክትል ፕሬዚደንት በአካዳሚክ ጉዳይ ዘርፍ የተደረገውን የ2013 በጀት አመት የተከናወኑ የዕቅድ አፈጻጸምና የ2014 በጀት አመት ዕቅድ ትውውቅ ላይ እንደተናገሩት በዩኒቨርሲቲው የአስር አመት ስትራቴጅክ ዕቅድ የተቀመጡትን ግቦች ለማሳካት መልካም አስተዳደርን በማስፈን ፣የደንበኞችና የአጋር አካላትን እርካታ በማሳደግ የአካዳሚክ ፕሮግራሞችንን ጥራትና አግባብነት በማሸሻል የምርምርና ማህበረሰብ አገልግሎት በማጠናከር የቴክኖሎጅ ስራዎችን በልዩ ትኩረት በመፈጸም የዕቅድ አፈጻጸሙን ማሳደግ እንደሚገባ አሳስበዋል፡፡

የዕቅድ አፈጻፀም ግመምገማና ትውውቅ ከፊል ገጽታ

ዶክተር ሞላልኝ ታምሩ የአስተዳደር ጉዳዮች ምክትል ፕሬዚደንት በአስተዳደር ዘርፍ የ2013ዓ.ም በጀት አመት የተከናወኑ የዕቅድ አፈጻጸም ግምገማና የ2014 በጀት አመት ዕቅድ ትውውቅ ላይ እንደተናገሩት የአስተዳደር ሰራተኞች የመማር ማስተማሩ እንዲሁም የምርምርና ማህበረሰብ አገልግሎት አሰጣጡ ቀልጣፋ፣ዉጤታማና ወጭ ቆጣቢ ሆኖ እንዲቀጥል የሚሰጡት ድጋፍ ሚናዉ የጎላ ስለሆነ በ2013 በጀት አመት የነበረዉን ጠንካራ ጎን በማስቀጠልና የነበሩትን ችግሮችን መቅረፍ እንዲሚገባ አሳስበዋል፡፡

በአካዳሚ ጉዳዮች ዘርፍና በአስተዳደር ጉዳዮች የቡሬ ካምፓስ ጨምሮ በ2013 በጀት አመት ዕቅድ አፈጻፀም አጠቃላይ ግምገማ የተነሱ ጉዳዮች፣በዕቅድ አፈጻጸሙ የነበሩ መልካም ተሞክሮዎች፣ ጠንካራ ጎኖች፣ያጋጠሙ ችግሮች የተሰጡ መፍትሄዎች፣ ትኩርት የሚሹ ጉዳዮች፣ በ2014 በጀት አመት የዕቅድ ትውውቅ ላይ የተነሱ መነሻዎች ደግሞ የዕቅዱ ዓላማ፣ በዝግጅት ምዕራፍ የሚሰሩ ተግባራት በትግበራ ምዕራፍ ሚሰሩ ተግባራት፣ በማጠቃለያ ምዕራፍ የሚሰሩ ተግባራት ናቸው፡፡

የዘርፍ ስራዎች አዳዲስ እቅዶች መሪ የ10 አመቱን የኢትዮጵያ እቅድ ፣ የ10 ዓመቱን የደብረ ማርቆስ ዩኒቨርሲቲ ስትራቴጂክ እቅድና ሳይንስና ከፍተኛ ትምህርት ሚኒስቴር ለዩኒቨርሲቲዎች ያወረደውን መነሻ እቅድ ከግምት ውስጥ ያስገባ እንዲሆን በማሰብ ቀድመው የታቀዱትም ሆኑ አዳዲስ እቅዶች እንደገና እንዲታዪና ተጠቃለው በዩኒቨርሲቲ ደረጃ ወጥ ሁኖ የሚፈጸም እቅድ ታቅዶ በየ በጀት ምዕራፉ እየተገመገመ የቅርብ ድጋፍና ክትትል እንደሚደረግም የዩኒቨርሲቲው ተቀዋማዊ ለውጥና የመልካም አስተዳደር ጉዳዮች ዳይሬክቶሬት ዳይሬክተር አቶ መላኩ ጥላሁን ተናግረዋል፡፡


  • -

የታላቁን ህዳሴ ግድብ ከደለል ለመታደግ የአካባቢን ብዝሃ ህይወት መጠበቅ አስፈላጊ ነው ተባለ፡፡

 

(ደማዩ ነሀሴ 27/2013 ዓ.ም )፡-የደብረ ማርቆስ ዩኒቨርሲቲ ከኢትዮጵያ የአካባቢ ደን ምርምር ተቋም ጋር በመተባበር አባይ ሸለቆ ውስጥ ኩራር ቀበሌ የቆላ ቅርቀሃ የችግኝ ተከላ ፕሮግራም አካሄደ፡፡

በምስራቅ ጎጃም ዞን የደጀን ወረዳ አስተዳዳሪ አቶ ሙሉቀን አድማሱ በእንኳን ደህና መጣችሁ ንግግራቸው እንደተናገሩት ደጀን ወረዳ ኩራር ቀበሌ ሃጅ ችግኝ ጣቢያ አካባቢ  የቆላ ቅርቀሃ ተከላ ከሁለት ወር በፊት ወደ ስራ የተገባ ሁኔታ ቢሆንም ስራው ችግኝ መትከል ብቻ ሳይሆን መንከባከብ አስፈላጊ በመሆኑ ወደፊት ሰብሉ ሲነሳ ልቅ ግጦሽ ስለሚሆንና ችግኙ ጥበቃ ስለሚያስፈልገው ለአርሶ አደሮች የሙያ እገዛ እንዲደረግልን እንፈልጋለን ብለዋል፡፡

 የኢፌዲሪ አካባቢ ደንና የአየር ንብረት ለውጥ ኮሚሽን፣ የኢትዮጵያ አካባቢ ደን ምርምር ኢንስቲቲዩት፣ እና ደብረ ማርቆስ ዩኒቨርሲቲ፣ የሰላሌ ዩኒቨርሲቲ፣ ብዙሃሕይወት ለመጠበቅ የአራትዮሽ ስምምነት አድርገዋል፡፡

የደብረ ማርቆስ ዩኒቨርሲቲ ፕሬዚዳንት ዶ/ር ታፈረ መላኩ በበኩላቸው  ይህን ፕሮጀክት በጋራ መሬት ላይ ለማውረድና ሀገርን እንደ ሀገር ለመቀየር በተለይ ደግሞ የታላቁን ህዳሴ ግድብ ከደለል ለመታደግ ለአርሶ አደሩ ደግሞ የኑሮ መሰረት የሆነው ነገር በዘላቂነት የአካባቢው ብዙሃሕይወት ለመጠበቅ ከመጀመሪያ ጀምሮ የአባይን ጎርጅ ጨምሮ አጠቃላይ  ብዝሃ ህይወቱንና የታላቁ ህዳሴ ግድብን በተሻለ መንገድ እንታደጋለን በሚል የኢትዮጵያ አካባቢና ደን ምርምር ኢስቲቲዩትና የኢፊዲሪ አካባቢ ደንና የአየር ንብረት ለውጥ ኮሚሽን፣  ይህን ሃሳብ ይዘው ስለመጡ  በዩኒቨርሲቲው ማህበረሰብና በማኔጅመንቱ ስም ታላቅ ምስጋና ማቅረብ እወዳለሁ  ብለዋል፡፡

ዶክተር ታፈረ መላኩ አክለውም ቻይናና ሌሎች ትልልቅ ሃገራት  በተለይ የምስራቁ አል ሀገራት አብዛኛው የፋብሪካ ውጤታቸው በቅርቀሃ ምርት የተመሰረተ ነው  ቢሆንም እንደ ሀገር ቢታሰብ በሙሉ ዙሪያውን የአባይ ጎርጅ ጎጃምን ይዞራልና የአባይን ጎርጅ ብንተክለው ሀገራችን በዚህ ብቻ የውጭ ምንዛሪ ታስቀራለች ሌላው ብዛ ህይወቱ ይቀየራል የምናየው ምድረ በዳ አረንጓዴ ይሆናል ከዛ ባለፈ የታላቁ ህዳሴ ግድብን ከደለል መታደግ ይቻላል ለብዙ አመት ለትውልድ የሚተላለፍ ይሆናል እናም ዘርፈ ብዙ ጥቅምና ትልቅ ሀገራዊ ተልዕኮ  አለው በማለት  ተናግረዋል፡፡

 የደብረ ማርቆስ ዩኒቨርሲቲ ምርምርና ማህበረሰብ አገልግሎት ዳይሬክቶሬት ዳይሬክተር ረዳት ፕሮፊሰር ደምሳቸው ሽታው  እንዳሉት ፕሮጀክቱ አባይ በረሃ ውስጥ ስራ የጀመረው ሰኔ 27/10/2013 ዓ.ም ሲሆን ስልሳ ስምንት ሽህ አራት መቶ ስልሳ ሶስት የቅርቀሃ ችግኝ ጣቢያው ውስጥ ተዘጋጅቶ ከዚህ ውስጥ  ስልሳ ስድስት ሽህ  የቅርቀሃ ችግኝ ተተክሏል፡፡

 ዛሬ ደግሞ  አንድ ሽህ ዘጠኝ መቶ አስር ችግኞች ውስጥ ወደ ሰባት መቶ የሚደርሱ ችግኞችን በማጠቃለያ ፕሮግራም ይተከላል፡፡ ይህ ሆኖ እርከን ጠብቀን በአርሶ አደር ማሳ ላይና ሩፋኤልና ገብርኤል ቤተክርስትያን የተተከለ ቢሆንም እስካሁን ድረስ 156.2 ሄክታር መሬት በቅርቀሃ ችግኝ ተሸፍኖአል፡፡ በዚህ ሂደት ያጋጠሙን ችግሮች በዋናነት የክፍያ መዘግየት ለአርሶ አደሮች፣ ለሹፌሮች፣ ለወረዳ ግብርና ባለሙያዎች፣ ሆኖ ዶ/ር አጌና ኢንጁሎ  የሰጡት አቅጣጫ  አርሶ አደሩ በራሱ ማሳ ላይ እንዲተክል የሚል ሀሳብ ነበር ነገር ግን መረጃው  ዘግይቶ የደረሰ ስለሆነና መጀመሪያ የጋራ ቦታ ነበር የፈለግነው ስለሆነም ያገኘናቸውን ቦታዎች ካየ በኋላ ከዚህ ይልቅ  የአርሶ አደሩ ማሳ ላይ ቢሆን የተሻለ  ይሆናል  የሚል አቅጣጫ ተሰጦ  በአጭር  ጊዜ ውስጥ  አርሶ አደሩን አሳምኖ ወደ ስራ ማስገባት ስለሚጠይቅ ለዚህ ደግሞ ግብርና ኮሌጅ፣ ዞን አካባቢ ጥበቃ፣ እገዛ አድርገውልናል::

የኢትዮጵያ አካባቢናደን ምርምር ኢስቲቲዩት ምክትል ዋና ዳይሬክተር  ዶ/ር አጌና አንጁሎ እንደገለጹት ይህ ሳይት አጠቃላይ የዚህ የተፋሰሱ አንድ አካል ቢሆንም የዚህ ተፋሰስ ላይ የቆላ ቅርቀሃ ችግኝ አፍልተን ለተከላ ያሳሰበን ሁልጊዜ የምንሰራው ስራ አለ ነገርግን  ለየት አድርገን በጥናትና ውጤታማ በሆነ መልኩ መስራት አለብን ብለዋል፡፡ አርሶ አደሩ ይህ አካባቢ በጣም ተዳፋት የሆነ መሬት ስለሆነ ለችግሩና ኑሮውን ለመቋቋም ሲል አካባቢውን መንጥሮ ወደ እርሻ ገብቷል ይሁን እንጅ እርሻው ላይ በእየ እርከኑ ዛፍ ቢኖር ስነ ምህዳሩን ይጠብቃል እንዲሁም ምርትም እንደሚያገኝበት ከማሰብ አንጻር ምን አይነት የዛፍ ዝርያ ይሻላል የሚለውን ስናስብ የኢስቲቲዩቱ የምርምር ዘርፍ ላይ ያሉ ባለሙያዎች ተነጋግረን የቆላ ቅርቀሃ ቢሆን የአካባቢውን ስነምህዳር ይቋቋማል ይህ ደረቃማ አካባቢ ስለሆነ ለህብረተሰቡም ደግሞ ከአራት አመት በኋላ ምርት ያገኝበታል ስለዚህ አርሶ አደሩም መኖ ያገኛል ሁለተኛ ደግሞ እያንዳንዱ አርሶ አደር ላይ ያለ ቅርቀሃ  እየታጨደ ለገበያ ይውላል ብለው  ሌላው  የሰላሌ ዩኒቨርሲቲ ግብርና ኮሌጅ፣ እንዲሁም የምርምርና ማህበረሰብ ዘርፍ ይህን ሃሳብ አንስተን ስንወያይ በጣም ደስተኞች  ከመሆናቸው አልፈው  ሃሳቡን ተቀብለው ወደ መሬት ለማውረድ ገንዘብ ያስፈልጋል  የኢፌዲሪ የአካባቢ ደንናየአየር ንብረት ለውጥ ኮሚሽን ገንዘብ ከሚያገኘው የተለያየ ሃብት ለዚህ ስራ መድቦ አራቱም ተቋማት በመፈራረም  ወደስራ እንደተገባ ተናግረዋል፡፡        


Search DMU

Upcoming Events

There are no upcoming events.

Partners

DMU Radio Broadcasting . . .